《台文通訊》是近代台文運動siōng重要ê 1份台文刊物
- 《台文通訊》是1991年7--月Tēⁿ Liông-kng（鄭良光）先生tī美國Los Angeles創辦ê全台文刊物。
- 是Taiwanese Writing Forum（台文習作會）、Hawaii大學東亞語文系台語研究計畫（鄭良偉教授）共同來贊助發行。
- 創辦ê宗旨是beh推sak台語白話字、台語書寫、kap台灣語言ê民族主體意識。
- 台文是用羅漢合用為主，延續1975年李豐明所創辦ê《台語通訊》。羅漢合用是鄭良偉教授開始實踐ê書寫方式，透過《台文通訊》起造近代羅漢台文書寫ê主流書寫風格。
- 刊物發行mā對白話字讀寫ê學習kap傳播有真久長ê影響，延續tī島內hông斷根ê白話字歷史。Mā是白話字完全世俗化、延續性命力ê鐵干證。
- 是海外台文運動siōng關鍵、siōng有代表性ê刊物，kap台灣ê民主運動kāng款，台文運動ùi海外sak倒轉來台灣島內。
- 尾手ùi 2012年2--月開始，kap《台文BONG報》合刊，號做《台文通訊BONG報》，是現此時全世界iáu有teh發行ê台文刊物siōng久長--ê。
- 這ê網站kan-na收錄早期tī海外ê《台文通訊》，ùi 1991年ê第1期，到2006年ê第142期。
圖片來源：台語文學發展年表